बोर्ली  गावाला सामाजिक,आध्यात्मिक,राजकीय,शैक्षणिक गांव म्हणून  महाराष्ट्रात ओळखल आहे . प्रगतीच्या अनेक पाऊल खूणा सोडत तरीही ऐतिहासिक वारसा ह्या गावाने जपला आहे. बोर्ली  हे गाव मुंबई -आग्रा महामार्ग पासून ७ कि.मी.अंतरावर वसलेले आहे  या गावालगत भावली धरण असून सदर धरणाचे पाणी दारणा धरणा द्वारे  छत्रपती संभाजी नगर व मराठवाड्यातील अन्य जिल्ह्यांसाठी मोठ्या प्रमाणात पाणी पुरवठा करण्यात येते असतो. बोर्ली हे गाव पर्यटनासाठी महत्वाचे ठिकाण आहे.

बोर्ली  गावालगत धार्मिक स्थळे श्री .संतोबा महाराज मंदिर, भवानी मंदिर आहे तसेच वार्षिक सप्ताह व बोहाडा अशी सार्वजनिक कार्यक्रम केले जातात.  

*ग्रामपंचायत कार्यालय :- सर्व सुविधांनी परिपूर्ण असे अद्यावत ग्रामपंचायत कार्यालय कार्यान्वित असून संपूर्ण कामकाज संगणकीय पद्धतीचे असून कार्यालयातच आहे.

*ग्रामपंचायत पुरस्कार :- ग्रामपंचायतीला शासकीय स्पर्धा स्तरावर महा आवास पुरस्कार, टीबी मुक्त पुरस्कार, तंटामुक्त गाव  पुरस्कार मिळाले आहेत. 

* शैक्षणिक संस्था बाबत माहिती  :-  गावात प्राथमिक जि.प. शाळा – २ , अंगणवाडी केंद् एकूण ०३ आहेत.

* आरोग्य सुविधा प्राथमिक आरोग्य केंद्र 2 किमी अंतरावर असून या ठिकानी सर्व आरोग्यावर उपचार केले जातात .

* गावात मारुती मंदिर, बुद्धविहार, सभामंडप ,  व रस्ते सिमेंट कॉँक्रिटकरण,  झाल्याने गावच्या वैभवात भर पडली आहे.

*पाणीपुरवठा:- सध्या स्थितीत जुनी ५० वर्षापूर्वीची पाणीपुरवठा योजना असून पंपिंग हाउस व फिल्टर मार्फत पाण्याचे शुद्धीकरण करून पाणीपुरवठा केला जातो. सद्याच्या वाढत्या लोकसंख्येमुळे सदर पाणी पुरवठा योजनेद्वारे नियमित व वेळेत पाणी पुरवठा केला जात आहे.तसेच इतर स्रोत असून गावासाठी त्याचा वापर केला जातो.

* गावातील ओला व सुका कचरा  जमा करून गावा बाहेरील  कचऱ्याचे विलगीकरण करण्यात येत आहे.

* हगणदारी मुक्त गाव :-घर तिथे शौचालय संकल्पनेतून प्रत्येक घरकुलाला शौचालय निर्मिती करून उघड्यावर शौच करणाऱ्या ग्रामस्थांना प्रसंगी कारवाई व प्रबोधन करून गांव हगणदारी मुक्त करण्यात आले आहे. 

*भूमिगत गटार:- शासनाच्या भूमिगत गटार योजनेचा वापर करून गावातील सांडपाणी भूमिगत गटारी मार्फत विल्हेवाट लावली जाते.  

*जल पुर्नभरण :- जल पुर्नभरण(रेन वॉटर हार्वेस्टिंग) Z.P.शाळा मुली नं. १ येथे रेन हार्वेस्टिंग केले आहे व काही Z..P. शाळेच्या ठिकाणी प्रस्तावित आहे.

*अंगणवाडी :- गावात ०३ अंगणवाडी कार्यरत असून अंगणवाडीत पाणी, डिजिटल शिक्षण व संगणकाचे प्राथमिक धडे दिले जातात.

*सामाजिक वनीकरण:- ग्रा.प.तर्फे सामाजिक वनीकरण  विविध वृक्षांची लागवड केलेली आहे.

*सभागृह :- आमदार व खासदार यांच्या निधी गावकऱ्यांना कार्यक्रमासाठी सामाजिक सभागृह  निर्मिती केली असून ग्रामस्थांना मोफत सुविधा दिल्या जातात.

*यात्रा महोत्सव:- दरवर्षी गावात श्री.संतोबा महाराज , भवानी माता, ,यात्रा भरते तसेच गणेश उत्सव व नवरात्र उत्सव देखील जोरात साजरा होतो. सदर नवरात्र उत्सवात गावातील सार्वजनिक मित्र मंडळ यांच्या मार्फत जिवंत देखावे, चल चित्र देखावे सादर करून ९ दिवस भाविकांसाठी आयोजन केले जाते. तसेच नवरात्र उत्सवा दरम्यान मारुती मंदिर येथे अखंड हरीनाम सप्ताह आयोजित केला जातो. सदर सप्ताह दरम्यान तालुक्यातून   हजारो भाविक येतात.